Ψαλμος 30

Ψαλμος 30

Επι σοι, Κυριε, ηλπισα, μη καταισχυνθειην εις τον αιωνα εν τη δικαιοσυνη μου ρυσαι με και εξελου με. κλινον προς με το ους σου, ταχυνον του εξελεσθαι με γενου μοι εις Θεον υπερασπιστην και εις οικον καταφυγης του σωσαι με.οτι κραταιωμα μου και καταφυγή μου ει συ και ενεκεν του ονοματος σου οδηγήσεις με και διαθρέψεις με. εξαξεις με εκ παγιδος ταυτης, ης εκρυψαν μοι, ότι συ ει ο υπερασπιστης μου, Κυριε. εις χειρας σου παραθησομαι το πνευμα μου ελυτρωσω με, Κυριε ο Θεος της αληθειας. εμισησας τους διαφυλάσσοντας ματαιότητας διακενης εγω δε επι τω Κυριω ηλπισα. αγαλλιασομαι και ευφρανθησομαι επι τω ελεει σου, ότι επειδες την ταπεινωσιν μου, εσωσας εκ των αναγκων την ψυχην μου. και ου συνεκλεισας με εις χειρας εχθρων εστησας εν ευρυχωρω τους ποδας μου. ελεησον με, Κυριε,οτι θλίβομαι εταραχθη εν θυμω ο οφθαλμος μου, η ψυχη μου και η γαστηρ μου.οτι εξελιπεν εν οδυνη η ζωη μου και τα ετη μου εν στεναγμοις ησθενησεν εν πτωχεια η ισχυς μου, και τα οστα μου εταραχθησαν παρα παντας τους εχθρούς μου εγενηθην ονειδος και τοις γειτοσι μου σφοδρα και φοβος τοις γνωστοις μου οι θεωρουντες με εξω εφυγον απ΄εμου. επελησθην ωσει νεκρος από καρδιας, εγενηθην ωσει σκευος απολωλος. ότι ηκουσα ψογον πολλων παροικουντων κυκλοθεν εν τω επισυναχθηναι αυτους αμα επ΄εμε του λαβειν την ψυχην μου εβουλευσαντο. εγω δε επι σοι Κυριε, ειπα συ ει ο Θεος μου. εν τοις χερσι σου οι κληροι μου ρυσαι με εκ χειρος εχθρων μου και εκ των καταδιωκόντων με.επιφανον το προσωπον σου επι τον δουλον σου, σωσων με εν τω ελεει σου.Κυριε μη καταισχυνθειην, ότι επεκαλεσαμην σε αισχυνθειησαν οι ασεβεις και καταχθειησαν εις αδου. αλαλα γενηθητω τα χειλη τα δολια, τα λαλουντα κατά του δικαιου ανομιαν εν υπερηφανεια και εξουδενωσει.ως πολύ το πληθος της χρηστοτητος σου, Κυριε, ης εκρυψας τοις φοβουμενοις σε, εξειργασω τοις ελπιζουσιν επι σε εναντιον των υιων των ανθρωπων. κατακρυψεις αυτους εν αποκρυφω του προσωπου σου από ταραχης ανθρωπων, σκεπασεις αυτους εν σκηνη από αντιλογιας γλωσσων. ευλογητος Κυριος, ότι εθαυμαστωσε το ελεος αυτου εν πολει περιοχης. εγω δε ειπα εν τη εκστασει μου απερριμμαι από προσωπου των οφθαλμων σου.δια τουτο εισηκουσας της φωνης της δεησεως μου εν τω κεκραγεναι με προς σε. αγαπήσατε τον Κυριον παντες οι οσιοι αυτου, ότι αληθειας εκζητει Κυριος και ανταποδιδωσι τοις περισσως ποιουσιν υπερηφανιαν. ανδριζεσθε, και κραταιουσθω η καρδια υμων, παντες οι ελπιζοντες επι Κυριον.